Surxondaryo viloyati Boysun tumanida Xorazm viloyatida yashovchi shaxs boshqaruvidagi yuk mashinasi yo‘l-transport hodisasiga uchragan. Oqibatda haydovchi vafot etgan. Bu haqda viloyat IIB YHXB xabar bermoqda.

Ma'lum qilinishicha, 2021 yil 22 aprel kuni soat 21:40larda M39 Olmaota – Toshkent – Termiz xalqaro avtomobil yo‘lining Surxondaryo viloyati Boysun tumanidan o‘tuvchi 1322-kilometrida o‘lim bilan bog‘liq yo‘l-transport hodisasi sodir bo‘lgan.

Qayd etilishicha, Xorazm viloyatida yashovchi 31 yoshli haydovchi yo‘l belgilariga e'tibor bermasdan tez harakatlanib kelgan. U xavfli burilishda yuk mashinasini boshqara olmagan va yuk mashinasi yo‘l chetiga ag‘anab ketgan. Natijada, og‘ir tan jarohatlari olgan haydovchi hodisa joyida vafot etgan. Shuningdek, yuk mashinasi ham yaroqsiz holga kelgan.