Ustyurt gaz qazib chiqarish boshqarmasiga qarashli «Shimoliy Berdaq» gaz kondensat konidagi 99-sonli quduqda olib borilgan burg‘ilash ishlari ham o‘z natijasini berdi.

«O‘zbekneftgaz» AJ ma'lumotlariga ko‘ra, quduqni o‘zlashtirish ishlaridan so‘ng, kunlik 130 ming kub metr sanoat miqyosidagi tabiiy gaz va 1 tonna gaz kondensati qazib chiqarilishiga erishilgan. 

Hozirda ushbu quduq ustini jihozlash, uni gaz kollektoriga qo‘shish ishlari bajarilmoqda. 

Ma'lumot uchun, «Shimoliy Berdaq» gaz kondensat koni Mo‘ynoq tumanida joylashgan bo‘lib, 2006 yilda ishga tushirilgan.

Eslatib o‘tamiz, oldin «Shimoliy Berdaq» konidagi 102-sonli quduqdan kuniga 220 ming kub metr tabiiy gaz va 1,5 tonna gaz kondensati qazib chiqarila boshlangani haqida xabar bergan edik.