“Гектаридан 25 миллионлик даромад қиламиз” — Фарғоналик тадбиркор

Жамият 08:44 / 17.04.2021 1021

Фарғона шаҳрининг Оқариқ кўчаси ва Миндонобод массиви орасига туташган жойлар аввалдан боғбонлар учун унумдор ва сердаромад ерлар бўлган. 

Айни кунларда боғ оралаб юрсангиз, баҳор тароватини ҳис қиласиз. Дилингиз яйрайди. Боғбонлар эса аллақачон парвариш ишларини бошлаб юборган.

«25 йилдан буён боғдорчилик билан шуғулланиб келамиз. Боғимизда нектарин, отёғи, восток навли шафтолилар ўсади. Гектаридан 25 млнлик даромад қиламиз. Бундан ташқари, чорвамиз ҳам бор. Оилада 4 киши боғ ишига масъулмиз. «Сезон»да ишчи ёллаймиз. Айни шафтоли пишган вақтда боғимизда 30 кишилаб ишчи ишлайди. Бу пайтда ишчи  ёлламасак, мева пишиб, тўкилиб кетади. 

Боғимизда шафтолидан ташқари олма, ўрик ва гилос ҳам бор. Энг кўп даромад шафтоли ва олмадан бўлади. Бу йилдан янги ер ўзлаштирдик. У ерга нок, олхўри, олма экдик. Дарахтларга бир йилда 7—8 марта дори сепамиз. «Обрезка» қиламиз, тагини чопамиз, оқлаймиз. Мева пишганида харидорлар келиб ўзлари олиб кетишади. Баъзида ўзимиз ҳам «точка»ларга топширамиз. Олмаларни музлаткичда сақлаб, кейин сотамиз», — дейди боғдорчилик билан шуғулланиб келаётган Жавлон Охунов.

Сарвар Зияев тайёрлади

Кўпроқ янгиликлар