Apple Германиядаги лойиҳага миллиард доллардан ошиқроқ сармоя киритади

Фан-техника 14:29 / 16.03.2021 5134

Apple яқин уч йилда Германиядаги бўлинмаларини ташкил қилиш учун бир миллиард доллардан ортиқроқ сармоя киритади. Бу ҳақда Apple расмий сайтида маълум қилинди. 

2019 йилнинг ёзида Apple компанияси ўзининг мобил телефонларига модем ишлаб чиқарувчи, микросехамалар гиганти Intel’нинг бўлинмасини ёллаб, у ерда Apple’нинг Европадаги энг йирик тадқиқот марказини ташкил этиб, Мюнхендаги лабораториясини кенгайтириб келмоқда. Ҳозирда Мюнхендаги марказда 40 мамлакатдан 1500дан ортиқ мутахассис электр билан таъминлаш режимини бошқариш устида ишламоқда. Тегишли техника исталган вақтда қурилманинг ҳар бир деталини етарлича электр таъминоти билан таъминлаш имконига эга. Бундан ташқари, у ерда процессор, симсиз технологиялар ва бошқа соҳалар мутахассислари ҳам фаолият юритишади.

Илгари Apple компанияси ўзининг iPhone, iPad ва Mac каби қурилмалари учун интеграл микросхемаларни Qualcomm ва Intel каби компаниялардан сотиб оларди. Бироқ бир неча йилдан бери технологик гигант ўзининг яримўтказгичларини ишлаб чиқишни назарда тутувчи мастерпланни амалга ошириш устида ишламоқда.

«Бавариядаги тадқиқотчилар Apple’нинг ишончли функционаллик, катта самарадорлик ва соҳадаги энг яхши тавсифга эга ўз интеграл микросхемаларини яратишга ўз ҳиссаларини қўшишмоқда», дея таъкидланган компания баёнотида.

Эълон қилинган хабарда Мюнхендаги бўлинмани кенгайтириш учун қилинаётган сармоя илмий тадқиқотларга қилинган сармоялар билан бирга сўнгги уч йилнинг ўзидагина бир миллиард доллардан ошади.

Кўпроқ янгиликлар