Ilon Maskning Tesla kompaniyasi Texas elektr tarmoqlariga ulanadigan ulkan batareya quradi, deb xabar bermoqda Bloomberg.
Yuz megavattdan ortiq energiyani saqlaydigan batareya qurish loyihasini Tesla kompaniyasining Gambit Energy Storage bo‘linmasi amalga oshiradi.
Batareya 20 mingga yaqin uyni elektr bilan ta'minlashi ko‘zda tutilgan.
Eslatib o‘tamiz, fevral o‘rtalarida noqulay ob-havo sharoiti sababli shtatdagi elektr generatorlarining yarmiga yaqini ishdan chiqqandi. Texasga yopirilgan qor bo‘ronlari oqibatida 4 millionta uy va binolar elektrsiz qolgandi.
Avvalroq Ilon Mask Texasda yangi shahar barpo etishga qaror qilgani to‘g‘risida xabar berilgandi.
