Maoshlar pastligi korrupsiyaga sabab bo‘lmoqda - MTT tizimida korrupsiyaning oldini olish bo‘yicha takliflar bildirildi

O‘zbekiston 15:24 / 02.03.2021 16201

Qayd etilishicha, ular orasida maktabgacha ta'lim tashkilotlarida ishlovchi xodimlar va qatnovchi bolalar sonini aniq bilish hamda qo‘shib yozishlarning oldini olish maqsadida “Face ID” tizimini joriy qilish, tizim xodimlarining oylik maoshlari pastligi masalasini ko‘rib chiqish kabilar bor.

Bildirilishicha, maktabgacha ta'lim tizimida maoshlar pastligi hisobiga korrupsiya holatlari kelib chiqmoqda. Ma'lumot uchun, MTM oshpazi 680 ming so‘m, hisobchisi 1,6 mln so‘m, MTT rahbari 1,5 mln so‘m maosh olishi aniqlandi.

Shuningdek, oziq-ovqat mahsulotlariga belgilanayotgan narxlar nomutanosibligini o‘rganish ko‘zda tutilgan. Toshkentda bir kg mol go‘shti 44 ming, Qashqadaryoda 57 ming etib belgilangan. Agar narxlar baland belgilansa, mablag‘ noqonuniy tarzda o‘zlashtirilishiga asos bo‘ladi. Bozordan past belgilanishi esa sifatsiz mahsulot xaridiga olib keladi. Shuning uchun narx belgilashda me'yorni yo‘lga qo‘yish kerakligi aytiladi. MTTlarda yetkazib berilayotgan oziq-ovqat narxlarini sun'iy oshirmaslik maqsadida import oziq-ovqatlariga qo‘yiladigan ustama haqi foizlarini chegaralash lozim.

Ijtimoiy sohada amalga oshirilgan jinoyatlar uchun javobgarlik chorasini kuchaytirish va jazo muqarrarligi hamda ta'sirchanligini ta'minlash, tizimning barcha jarayonlariga axborot texnologiyalarini keng joriy etish, buxgalteriya hisob-kitobi va hisobot tizimini soddalashtirish va avtomatlashtirish orqali bir-birini takrorlayotgan ishlar hajmini kamaytirish ham taklif etilgan.

Ko‘proq yangiliklar: