Ўзбекистонда 2022 йилнинг кузида Chevrolet Onix автомобилларини ишлаб чиқариш бошланиши кутилмоқда. Бу ҳақда UzAuto Motors компанияси директори вазифасини бажарувчи Рустам Ражабовга асосланиб Kun.uz мухбири хабар берди.
Маълум қилинишича, ушбу русумдаги автомобилни ишлаб чиқариш учун ускуналар ўрнатилади ва машинани ишлаб чиқариш 2022 йилнинг тўртинчи чораги якунида локализация қилинади.
Феврал ойида Ўзбекистонга синов учун Chevrolet Onix’нинг бир неча намунаси олиб келингани ҳақида хабар берилганди. «Ушбу намуналар маҳаллий иқлим шароитларида синаш ва салоҳиятли харидорларнинг фикрини ўрганиш мақсадида харид қилинган», дейилганди компания баёнотида.
