O‘zbekistonda 2022 yilning kuzida Chevrolet Onix avtomobillarini ishlab chiqarish boshlanishi kutilmoqda. Bu haqda UzAuto Motors kompaniyasi direktori vazifasini bajaruvchi Rustam Rajabovga asoslanib, Kun.uz muxbiri xabar berdi.

Rajabovning jurnalistlarga aytishicha, Onix narxi 9-12 ming dollar oralig‘ida bo‘ladi. Avval Matiz ishlab chiqarilgan liniya Onix'ga moslab qayta quriladi va yangi modelni ishlab chiqarish 2022 yilning 4-choragi yakunida lokalizatsiya qilinadi.

Eslatib o‘tamiz, fevral oyida O‘zbekistonga sinov uchun Chevrolet Onix'ning bir necha namunasi olib kelingani haqida xabar berilgandi. «Ushbu namunalar mahalliy iqlim sharoitlarida sinash va salohiyatli xaridorlarning fikrini o‘rganish maqsadida xarid qilingan», deyilgandi kompaniya bayonotida.