Масс-медиа фонди журналист фаолиятига тўсқинлик учун жиноий жавобгарлик белгиланишини қўллаб-қувватлади

Ўзбекистон 18:08 / 23.02.2021 1588

Ўзбекистон Бош прокуратураси ишлаб чиққан Жиноят кодексининг янги таҳририда, журналистларнинг қонуний фаолиятига тўсқинлик қилганлик учун жиноий жавобгарлик белгилаш кўзда тутилган.

Миллий масс-медиани қўллаб-қувватлаш ва ривожлантириш жамоат фонди мазкур янгиликни қатъий қўллаб-қувватлаб чиқди.

«Ушбу чора журналистларнинг ҳуқуқларини мустаҳкамлашга ёрдам беради ва Ўзбекистонда сўз эркинлигини таъминлаш сари навбатдаги қадам бўлади»,деди фонд раиси Комил Алламжонов.

Эслатиб ўтамиз, Ўзбекистонда оммавий ахборот воситалари фаолиятига тўсқинлик қилганлик ва журналистларга босим ўтказганлик учун жавобгарлик белгиланиши президентнинг 2019 йил 27 июндаги қарорида белгиланган эди.

Бош прокуратура таклиф этаётган янги таҳрирдаги Жиноят кодексининг 184-моддасига асосан:

– журналистнинг қонуний фаолиятига тўсқинлик қилиш, яъни уни бирор бир ахборотни тарқатишга ёки тарқатмасликка мажбурлаш мақсадида ўз хизмат мавқейидан фойдаланиб, журналистга ёхуд унинг яқин қариндошига зўрлик ишлатиш ёки зўрлик ишлатиш билан қўрқитиш, –

50–100 БҲМ жарима ёки 3 йилгача озодликни чеклаш ёхуд 3 йилгача озодликдан маҳрум қилиш билан жазоланиши мумкин.

Кўпроқ янгиликлар