GM яримўтказгичлар етишмовчилиги сабабли учта заводини тўхтатади

Фан-техника 19:27 / 04.02.2021 10549

Американинг General Motors компанияси яримўтказгичлар етишмовчилиги сабабли АҚШдаги учта заводи ишини тўхтатади ва Жанубий Кореядаги заводи фаолиятини икки бараварга секинлаштиради.

 Хабар қилинишича, Канзас, Онтарио ва Сан-Луис Потосидаги заводлар келаси ҳафтада фаолиятини тўхтатади. 

 "Жаҳон автомобил саноати учун яримўтказгичлар етказиб бериш ҳажми жуда ўзгарувчан бўлиб қолмоқда. Ҳозирда умумий оқибатларни баҳоламоқдамиз, аммо эътиборимиз энг талабгир маҳсулотларимизни ишлаб чиқаришни сақлаб қолишга қаратилган", дейилади компания хабарида.

 GM январ ойида яримўтказгичлар етишмовчилиги оқибатларини ҳис қилаётганини билдирганди. Микросхемалар автомобилларнинг турли унсурларини ишлаб чиқаришда қўлланилади ва электромобиллар ишлаб чиқарилиши кенгайиши натижасида уларга бўлган талаб ошмоқда.

Компания электромобиллар ишлаб чиқаришга 27 млрд доллар инвестиция киритиши ва 2025 йилда 1 млн дона электромобил сотишни режалаштирганини маълум қилган. GM шунингдек, 2035 йилга келиб бензин ва дизелда юрадиган автомобиллар сотишни тўхтатишини эълон қилган. 

Кўпроқ янгиликлар