Британияда учувчисиз парвоз қурилмалари учун дунёдаги биринчи аэропорт қурилади 

Фан-техника 22:47 / 29.01.2021 3911

Маблағлар дронлар ёрдамида юк ва йўловчи ташувларига хизмат кўрсатадиган марказни қуришга сарфланади.

“Ҳаво ташувларининг ўз инфратузилмасини талаб қилувчи янги шакли пайдо бўлди. Йўловчиларда келиш, рейсни бронлаш, аэротакси салонига ўтиш имкони бўлиши лозим”, деб айтган Urban Airport компанияси раиси Рики Сандху.

Атроф-муҳитга безиён бўлиши кутилаётган марказ Air One деб номланади ва Ковентри шаҳрининг шимолий қисми яқинида жойлашади. Аэропортни 2021 йил ноябрига очиш режалаштирилган.

Маълумотларга кўра, Air One тарихдаги энг кичик аэропорт бўлади. У ўта ихчам ўлчамларда лойиҳаланган ва шу сабабли турли катталикдаги шаҳарларда қўлланиши мумкин.

Лойиҳа муаллифларининг таъкидлашича, дронлар электромоторларда ишлайди ва атроф-муҳитга ис гази чиқармайди. Яқин 5 йил ичида бундай аэропортлардан 200га яқини қурилиши, учувчисиз парвозлар эса оддий ҳодисага айланиши кутилмоқда.

Аввалроқ дронлар учун илк аэропортни Хитойда қуриш режалаштирилганди. Бироқ пандемия сабабли уни қуришни тўхтатишга тўғри келган.

Кўпроқ янгиликлар