Tesla компанияси ўз тарихида биринчи марта йиллик соф даромадга эришганини маълум қилди. 2020 йил якунларига кўра, соф даромад 721 млн долларни ташкил этган. Компания аввалги йилни 862 млн доллар зарар билан якунлаганди.
Маълум қилинишича, тўртинчи чоракда харажатлар кўпайиши ва Model S ҳамда Model X моделларини янгилашга тайёргарлик кўрилгани сабабли даромад ўсиши пасайган.
Tesla ўтган йили 500 минг дона автомобил сотиш мақсадига деярли эришди. Йил якунларига кўра, компания 499 минг 550 дона автомобил сотган.
Компания даромади Хитойда электромобилларга бўлган талабнинг ошиши эвазига ўсган. Tesla 2019 йилдан буён Шанҳайдаги заводида электромобиллар ишлаб чиқармоқда.
Хабар қилинишича, Шанҳайдаги заводда йилига 450 минг дона Model 3 ва Model Y электромобиллари ишлаб чиқарилади.
