Samsung нархи 1000 доллардан бошланадиган Galaxy S21 смартфонларини тақдим этди

Технология 23:12 / 14.01.2021 10172

Samsung компанияси Galaxy S21, S21+ ва S21 Ultra смартфонларини тақдим этди.

Samsung Galaxy S21 смартфони 6,2 дюймли AMOLED-дисплей билан жиҳозланган. Унинг 10 мегапикселли олд камераси экраннинг юқори қисми ўртасида жойлашган. Экран остидан эса бармоқ излари сканери ўрин олган. Смартфоннинг орқа тарафида 12 мегапикселли иккита ва 64 мегапикселли битта телефотокамера жойлашган. Смартфонда 8К ўлчамли видеони суратга олиш мумкин. Аккумулятор сиғими — 4000 мАс.

Galaxy S21+ катта экран (6,7 дюйм) ва сиғими каттароқ батареяси (4800 мАс) билан ажралиб туради. Ҳар икки смартфонга 5G-модулли Exynos 2100 процессори ўрнатилган. Смартфонлар сувга чидамли.

Samsung Galaxy Ultra 6,8 дюймли AMOLED-дисплей билан жиҳозланган. Унга жами тўртта: 108 ҳамда 12 мегапикселли камералар ва иккита 10 мегапикселли телефотокамера ўрнатилган. Смартфоннинг олд камераси 40 мегапикселли. Бундан ташқари, S21 Ultra смартфони S Pen стилуси билан ҳам ишлайди. 

Galaxy S21 нархи 1023, Galaxy S21+ нархи 1228 доллардан бошланади. 128 ГБ хотирага эга Galaxy S21 Ultra 1500, 512 ГБ хотиралиси эса 1733 долларга тушади.

Кўпроқ янгиликлар