Самарқандда Маҳмудхўжа Беҳбудий уй-музейи ташкил этилади

Ўзбекистон 10:55 / 14.01.2021 1545

Вазирлар Маҳкамасининг “Маҳмудхўжа Беҳбудий уй-музейини ташкил этиш тўғрисида”ги қарори лойиҳаси эълон қилинди.

Лойиҳа билан Маданият вазирлиги, Ёзувчилар уюшмаси, Республика маънавият ва маърифат маркази, Самарқанд вилояти ҳокимлигининг Самарқанд шаҳри, Мирсаид Барака кўчаси, 47-уй манзилида улуғ аллома ва жамоат арбоби Маҳмудхўжа Беҳбудий уй-музейини “Самарқанд” давлат музей-қўриқхонаси филиали сифатида ташкил этиш тўғрисидаги таклифи маъқулланиши мумкин.

Самарқанд шаҳри, Мирсаид Барака кўчаси, 47-уй манзилида жойлашган бино тегишли ҳудуди билан биргаликда “Самарқанд” давлат музей-қўриқхонасига оператив бошқарув ҳуқуқи асосида текин берилади. Маҳмудхўжа Беҳбудий уй-музейи ушбу бинога жойлаштирилади.

Шунингдек, қуйидагилар:

  • музей биносини таъмирлаш ва ҳудудини ободонлаштириш, музей экспозициясини яратиш ва жиҳозлаш билан боғлиқ харажатлар – Самарқанд вилояти маҳаллий бюджети маблағлари ҳисобидан;
  • музейларга штат бирликларини ажратиш ҳамда ходимларига иш ҳақи тўлаш –Маданият вазирлиги тизимидаги музейлар учун белгиланган тартибга мувофиқ;
  • музейни сақлаш харажатлари – Самарқанд вилояти маҳаллий бюджети маблағлари, музейнинг ўз даромадлари ва қонун ҳужжатлари билан тақиқланмаган бошқа манбалар ҳисобига амалга оширилиши белгилаб қўйилмоқда.
Кўпроқ янгиликлар