Норвегияда Pfizer компаниясининг коронавирусга қарши вакцинаси билан эмланган 23 киши вафот этди. Бу ҳақда Норвегия дори воситалари агентлиги хабар бермоқда.
Хабарда айтилишича, мутахассислар ўлимлар сабабини ўрганмоқда.
Агентликнинг қайд этишича, вакцина «кекса одамларда мавжуд касалликларнинг янада жиддий кечишига» олиб келувчи ножўя таъсир кўрсатган бўлиши мумкин.
Норвегияда Pfizer вакцинаси билан эмлаш 27 декабрда бошланганди. Мамлакатда биринчи бўлиб Ослодаги қариялар уйида яшовчилар эмланган.
2020 йил декабрда ЕИ BioNTech/Pfizer вакцинасидан фойдаланишга рухсат берганди.
