Молия вазирининг собиқ биринчи ўринбосари Қашқадарё вилояти ҳокимига ўринбосар этиб тайинланди

Ўзбекистон 17:40 / 13.01.2021 12652

Қайд этилишича, Баҳром Юсупов Қашқадарё вилояти ҳокимининг ўринбосари - вилоят инвестициялар ва ташқи савдо бошқармаси бошлиғи лавозимига тайинланди. 

Б. Юсупов 1976 йил Шаҳрисабз туманида туғилган. Жаҳон иқтисодиёти ва дипломатия университети, Япониядаги Сиёсий фанлар миллий институти ва АҚШдаги Оклахома университетларини тамомлаган.

У бугунгача Ўзбекистон Ташқи иқтисодий фаолият миллий банкида Корпоратив бошқарув хизмати бошлиғи сифатида ишлаб келаётган эди. 

Баҳром Юсупов 2012-2016 йиллар давомида молия вазирининг биринчи ўринбосари бўлиб ҳам ишлаган.

Кўпроқ янгиликлар