Хитойда бир кишида коронавирус аниқлангани сабабли бутун шаҳар карантинга олинди

Жаҳон 14:17 / 12.01.2021 4470

Хитойнинг Ланфан шаҳрида коронавирус юқтириш билан боғлиқ битта ҳолат аниқланди. Натижада бутун шаҳар аҳолисига бир ҳафта уйида ўтириш тавсия қилинди.

Шаҳар мэриясининг хабар беришича, аҳоли 12 январдан 14 январгача коронавирусга бепул текширувдан ўтказилади.

 Аҳолига заруратсиз тўпланмаслик ва етти кун давомида уйларида қолиш тавсия қилинди.

Ланфан Хэбэй провинциясидаги коронавирус сабабли чекловлар жорий этилган учинчи шаҳардир. 

Аввалроқ ҳукумат Хэбэй провинциясидаги Шицзячжуан ва Синтай шаҳарларида яшовчи аҳолини бир ҳафта давомида уйларидан чиқмасликка чақирганди. Бу шаҳарларда бир ҳафта ичида коронавирус юқтириш билан боғлиқ 350га яқин ҳолат аниқланган бўлиб, бундан 200га яқини симптомсиз бўлган.

Кўпроқ янгиликлар