Индонезияда ҳалокатга учраган Boeing’нинг қора қутиси денгиз тубидан чиқарилди

Жаҳон 21:00 / 12.01.2021 3933

Қора қути Шимолий Жакарта портига етказилган ва журналистларга намойиш қилинган. Суратларда ичи ярмигача сув билан тўлган шаффоф идиш ва унинг ичида жойлашган қора қутини кўриш мумкин.

Қути авиаҳалокатнинг терговини олиб бораётган Транспортдаги хавфсизлик миллий қўмитасига топширилади. 

Аввалроқ қидирув гуруҳлари самолёт қулаган жойда бортёзгичнинг радиомаёғи сигналини ушлашга муваффақ бўлишганди. Сўнгра денгиз тубида қутининг ўзи топилган. 

Индонезия пойтахти Жакартадан Понтианакка рейс бажарган самолёт ҳавога кўтарилгандан кўп ўтмай радарлар экранидан ғойиб бўлганди. Кейинроқ самолёт Ява денгизига қулагани маълум қилинган.

Самолётда 62 киши, жумладан экипажнинг 10 аъзоси бўлган. Уларнинг барчаси ҳалок бўлган. Қутқарувчилар самолёт бўлаклари, қурбонларнинг жасадлари ва шахсий буюмларини аниқлашган.

Кўпроқ янгиликлар