2021 йилда 1100 гектар майдонда иссиқхона комплекслари ташкил этилади

Ўзбекистон 11:35 / 12.01.2021 3026

Ҳужжатда қайд этилишича, республикада мавжуд иссиқхоналарда иситиш манбалари турларига кўра, 2 794 гектар (56 фоиз) табиий газдан, 929 гектар (19 фоиз) кўмирдан, 544 гектар (11 фоиз) буғдан олинадиган иссиқлик манбалардан фойдаланилади ва 674 гектар (14 фоиз) иссиқлик тизимисиз ишлатиладиган парниклардан иборат.

Қарор лойиҳасида:

  • республикада замонавий иссиқхона хўжалигини ривожлантиришнинг асосий йўналишларини белгилаш;
  • республика ҳудудларида янгидан ташкил этиладиган иссиқхоналарни ҳудудлар кесимида жойлаштиришни табиий газ ишлаб чиқариш ва етказиб бериш балансини инобатга олган ҳолда режалаштириш;
  • куз-қиш мавсумида иссиқхона хўжаликларини узлуксиз табиий газ, электр энергияси ҳамда иссиқлик энергияси ишлаб чиқариш корхоналари орқали иссиқхоналарни мунтазам равишда буғ билан таъминлашнинг кафолатли тизимини жорий этиш;
  • республика табиий-иқлим шароитига мос келувчи замонавий иссиқхона иншоотларининг янги қурилиш меъёрлари ва қоидаларини ишлаб чиқиш;
  • ҳудудларда 2021 йилда 1100 гектар майдонда иссиқхона комплексларини ташкил этиш лойиҳаларининг манзилли рўйхатини тасдиқлаш;
  • махсус иқтисодий ва кичик саноат зоналарида иссиқхоналар учун зарур қурилмалар, материаллар, бутловчи қисм ва компонентлар ишлаб чиқариш лойиҳаларини жойлаштириш;
  • Урганч шаҳридаги агротехнологиялар техникуми қошида ўқув маркази ташкил этган ҳолда иссиқхона хўжаликлари мутахассислари ва ёшлар учун ўқув, амалий тренинглар ва малака ошириш курсларини ташкил қилиш;
  • маҳсулотлар етиштириш ва экспортни прогнозлаш учун тадбиркорлик субъектлари томонидан етиштирилаётган маҳсулотлар бўйича ҳар ойлик электрон ҳисобот тақдим этиш ахборот тизими жорий этишни таъминлаш назарда тутилган.

Қайд этилишича, қарор лойиҳасининг қабул қилиниши орқали:

  • биринчидан – иссиқхона хўжаликларини куз-қиш мавсумида узлуксиз табиий газ, электр энергияси ҳамда иссиқлик энергияси ишлаб чиқариш корхоналари (ИЭС) орқали мунтазам буғ билан таъминлашнинг кафолатли механизмлари жорий этилади;
  • иккинчидан - республика табиий-иқлим шароитига мос келувчи замонавий иссиқхона иншоотларининг янги қурилиш меъёрлари ва қоидалари ишлаб чиқилади;
  • учинчидан – замонавий иссиқхона комплексларини амалга ошириш, шунингдек соҳада ёш мутахассисларни илғор тажрибалар асосида тайёрлаш ва қайта тайёрлаш тизимини жорий этиш орқали қўшимча иш ўринлари яратилади ва аҳоли бандлиги таъминланади;
  • тўртинчидан – иссиқхоналарда етиштирилган ва реализация қилинган қишлоқ хўжалиги маҳсулотлари ҳисобини юритишнинг ахборот тизими йўлга қўйилади.
Кўпроқ янгиликлар