Hujjat bilan Sergeli tumani hokimligining tuman hududidagi ayrim mahallalarning chegaralarini o‘zgartirish, yangi mahalla tashkil etish va unga nom berish to‘g‘risidagi takliflari ma'qullanishi mumkin.
Toshkent shahridagi mahalla fuqarolar yig‘inlari soni 521ta deb yuritiladi.
Sergeli tumani hokimligi Geografik obektlarni nomlash va qayta nomlash masalalari bo‘yicha komissiyasining takliflari va Toshkent shahar hokimligi Geografik obektlarni nomlash va qayta nomlash masalalari bo‘yicha komissiyasining xulosasiga asosan, Sergeli tumanidagi “Daryobo‘yi”, “Jo‘nariq”, “Qipchoq”, “Sofdil”, “Yuqori Darxon” va “Bunyodobod” mahallalari hududiy chegaralari o‘zgarishi hisobiga bo‘linadi. “Bunyodobod” mahallasi bo‘linib, “Yangi Bunyodobod” mahallasi tashkil etiladi.
Sergeli tumanidagi hududi o‘zgarayotgan mahallalarning chegaralari va tavsifi
“Daryobo‘yi” mahallasi
Manzili: Daryobo‘yi ko‘chasi 60A-uy
Aholi: 4418 nafar
Oila: 1511 ta
Xonadon: 1128 ta
Nilufar 1-tor ko‘chasi va temiryo‘l kesishmasining chap tomoni bo‘ylab Chirchiq daryosigacha, Chirchiq daryosining chap tomoni bo‘ylab Yangihayot tumani chegarasigacha, Yangihayot tumani chegarasining chap tomoni bo‘ylab Xonobod mahallasi chegarasigacha. Xonobod mahallasi chegarasining chap tomoni bo‘ylab Xonobod ko‘chasigacha, Xonobod ko‘chasining chap tomoni bo‘ylab Quruvchilar mahallasi chegarasigacha. Quruvchilar mahallasi chegarasining chap tomoni bo‘ylab Nilufar 1-tor ko‘chasi va temiryo‘l kesishmasigacha bo‘lgan chegaralarda.
“Jo‘nariq” mahallasi
Manzili: Choshtepa ko‘chasi 140-uy
Aholi: 3195 nafar
Oila: 810 ta
Xonadon: 506 ta
Yangihayot va Sergeli tumani chegarasidagi metro yo‘nalishining chap tomoni bo‘ylab Salar kanaligacha, Salar kanalining chap tomoni bo‘ylab Yangi Sergeli ko‘chasigacha, Yangi Sergeli ko‘chasining chap tomoni bo‘ylab temiryo‘lgacha, temiryo‘lning chap tomoni bo‘ylab Yangihayot va Sergeli tumani chegarasidagi metro yo‘nalishigacha bo‘lgan chegaralarda.
“Qipchoq” mahallasi
Manzili: Sergeli 4-mavze
Aholi: 3655 nafar
Oila: 1365 ta
Xonadon: 1130 ta
Obihayot ko‘chasi va Saxovat mahallasi chegarasi kesishgan joyning o‘ng tomoni bo‘ylab Toshkent viloyati Zangiota tumanigacha, Toshkent viloyati Zangiota tumanining o‘ng tomoni bo‘ylab Qipchoq ko‘chasigacha, Qipchoq ko‘chasining o‘ng tomoni bo‘ylab Saxovat mahallasi chegarasigacha. Saxovat mahallasi chegarasining o‘ng tomoni bo‘ylab Obihayot va Saxovat mahallasi kesishgan joygacha bo‘lgan chegaralarda.
“Sofdil” mahallasi
Manzili: Birlik ko‘chasi 70-uy
Aholi: 3847 nafar
Oila: 1480 ta
Xonadon: 1518 ta
Yangi Sergeli va Lutfikor ko‘chalari kesishgan joyning o‘ng tomoni bo‘ylab metro yo‘nalishigacha, metro yo‘nalishining o‘ng tomoni bo‘ylab Shokirariq ko‘chasigacha, Shokirariq ko‘chasining o‘ng tomoni bo‘ylab Yangi Sergeli ko‘chasigacha, Yangi Sergeli ko‘chasining o‘ng tomoni bo‘ylab Yangi Sergeli va Lutfikor ko‘chalari kesishgan joygacha bo‘lgan chegaralarda.
“Yuqori Darxon” mahallasi
Manzili: Navro‘z ko‘chasi
Aholi: 5885 nafar
Oila: 1324 ta
Xonadon: 924 ta
Yangi Sergeli va Toshkent halqa avtomobil yo‘li kesishgan joyning o‘ng tomoni bo‘ylab metro yo‘nalishigacha, metro yo‘nalishining o‘ng tomoni bo‘ylab Jo‘nariq mahallasi ma'muriy-hududiy chegarasigacha. Jo‘nariq mahallasi ma'muriy-hududiy chegarasining o‘ng tomoni bo‘ylab Yangi Sergeli ko‘chasigacha, Yangi Sergeli ko‘chasining o‘ng tomoni bo‘ylab Yangi Sergeli va Toshkent halqa avtomobil yo‘li kesishgan joygacha bo‘lgan chegaralarda.
“Bunyodobod” mahallasi
Manzili: Sergeli 6A-mavze
Aholi: 5990 nafar
Oila: 1284 ta
Xonadon: 1284 ta
O‘zgarish va Habibiy mahallasi chegarasi kesishgan joyning o‘ng tomoni bo‘ylab Yuqori Darxon mahallasi chegarasigacha. Yuqori Darxon mahallasi chegarasining o‘ng tomoni bo‘ylab No‘g‘ayqo‘rg‘on mahallasi chegarasigacha. No‘g‘ayqo‘rg‘on mahallasi chegarasining o‘ng tomoni bo‘ylab Toshkent viloyati Zangiota tumani chegarasigacha. Toshkent viloyati Zangiota tumani chegarasining o‘ng tomoni bo‘ylab “Iste'molda bo‘lgan transport vositalari va ehtiyot qismlari Sergeli bozori” mas'uliyati cheklangan jamiyatini qamrab olmagan holda O‘zgarish va Habibiy mahallasi chegarasi kesishgan joygacha bo‘lgan chegaralarda.
Sergeli tumanida yangi tashkil etilayotgan mahallaning chegaralari va tavsifi
“Yangi Bunyodobod” mahallasi
Manzili: Sergeli 6A-mavze
Aholi: 6030 nafar
Oila: 1290 ta
Xonadon: 1290 ta
O‘zgarish va Habibiy mahallasi chegarasi kesishgan joyning o‘ng tomoni bo‘ylab “Iste'molda bo‘lgan transport vositalari va ehtiyot qismlari Sergeli bozori” mas'uliyati cheklangan jamiyatini qamrab olgan holda Toshkent viloyati Zangiota tumani chegarasigacha. Toshkent viloyati Zangiota tumani chegarasining o‘ng tomoni bo‘ylab Mehrigiyo mahallasi chegarasigacha. Mehrigiyo va Habibiy mahallasi chegarasining o‘ng tomoni bo‘ylab O‘zgarish va Habibiy mahallasi chegarasi kesishgan joygacha bo‘lgan chegaralarda.
