OSON YuMoney bilan to‘g‘ridan to‘g‘ri shartnoma imzoladi

Fan-texnika 16:24 / 14.12.2020 5675

OSON elektron pul tizimining operatori YuMoney (oldingi Yandeks.Dengi) bilan to‘g‘ridan to‘g‘ri shartnoma imzoladi va YuMoney elektron hamyonini OSON so‘m bilan to‘ldirish yo‘lga qo‘yildi. Shuningdek, ikkinchi shartnoma ham imzolanishga tayyorlanmoqda. Ayni paytda ushbu shartnoma bo‘yicha texnik integratsiya boshlangan uning yakunlanishi 2021 yil yanvar oyining oxiriga qadar kutilmoqda va keyinchalik YuMoney’dan OSON hamyoniga pul o‘tkazish mumkin bo‘ladi.

Ushbu hamkorlik tranzaksiyalar geografiyasini kengaytirib, chet elda bo‘lgan vatandoshlarimiz YuMoney’dan OSON hamyonini to‘ldirib, O‘zbekistonda yashovchi qarindoshlariga g‘amxo‘rlik qilishlari va mahalliy xizmatlar uchun imtiyozli shartlarda to‘lashlari mumkin. Oxirgisi, to‘g‘ridan to‘g‘ri shartnoma imzolangandan so‘ng pul o‘tkazmasi uchun foizlar kamayganligi bilan izohlanadi.

"Biz ushbu xizmatga qiziqishni YuMoney xizmatlaridan juda ko‘p foydalanadigan o‘zbekistonlik frilanserlarda ko‘rdik", deydi OSON asoschisi Farhod Mahmudov. Shuningdek, u ushbu loyiha uzoq vaqt oldin rejalashtirilganligini, ammo to‘lov tashkiloti litsenziyasini olgandan so‘ng amalga oshirilgani va bu YuMoney kabi fintex sohasidagi yirik tashkilot bilan hamkorlikka sharoit yaratganini ta'kidladi.

Eslatib o‘tamiz, OSON "elektron pul tizimi operatori" maqomini olgan O‘zbekistondagi birinchi to‘lov tashkiloti bo‘lib, mahalliy elektron pul OSON so‘mini joriy qilgan.
Kompaniya O‘zbekistonda o‘xshashi bo‘lmagan loyihalarni WebMoney, QIWI, SberBank va MTS banklari bilan boshlashni rejalashtirmoqda, ularni amalga oshirish OSON foydalanuvchilari va hamkorlari uchun yangi imkoniyatlarni ochadi.

Reklama huquqi asosida

Ko‘proq yangiliklar: