Hindistonning Haydarobod shahrida yashovchi 14 yoshli Agastya Jaysval oliy ma'lumot egasi bo‘ldi, deb yozmoqda Newsflare nashri.

Xabarda aytilishicha, Agastya Haydaroboddagi Usmon universitetini bitirgan va ommaviy kommunikatsiya va jurnalistika bo‘yicha bakalavr diplomini olgan. Ta'kidlanishicha, u bu yoshda oliy o‘quv yurtini bitirgan mamlakatdagi birinchi talabadir.

 Jaysval boshqa sohalarda ham muvaffaqiyat qozongan. Jumladan, stol tennisi bo‘yicha milliy musobaqalarda ishtirok etadi va ikkala qo‘lida ham yoza oladi.

2019 yilda AQShda 14 yoshli o‘smir magistr darajasini olgani xabar qilingandi. Kelton Kostis to‘qqiz yoshida Belvyu universitetiga o‘qishga kirgan, 12 yoshida veb-texnologiyalar bo‘yicha bakalavr bo‘lgan, so‘ngra axborot menejmenti bo‘yicha magistrlik dissertatsiyasini himoya qilgan.