Sirdaryo viloyati hokimligi xabariga ko‘ra, sessiyada viloyat hokimi G‘ofurjon Mirzayev ishtirok etdi. 

Sessiya ishida tashkiliy masala ko‘rib chiqildi. Botirjon Mirzaqulov boshqa ishga o‘tganligi munosabati bilan tuman hokimi lavozimidan ozod etildi.

Tuman hokimi lavozimiga shu kungacha Sirdaryo viloyati Ichki ishlar boshqarmasi boshlig‘ining jamoat tartibini saqlash bo‘yicha o‘rinbosari lavozimida ishlab kelgan Farrux O‘ktamjonov tayinlandi.

Farrux O‘ktamjonov 1985 yilning 19 sentyabrida Sirdaryo tumanida tug‘ilgan. 2007 yilda O‘zbekiston Respublikasi IIV Akademiyasini tamomlagan.