O‘zbekistonda gazobeton ishlab chiqarish hajmi oshiriladi

Iqtisodiyot 17:13 / 23.11.2020 6406

«O‘zsanoatqurilishmateriallari» uyushmasi tomonidan gazobeton ishlab chiqarish bo‘yicha bir qator investitsiya loyihalari amalga oshirilmoqda, deb xabar berdi uyushma matbuot xizmati.

Uyushma mas'ulligida 2019 yilda avtoklav gazobeton ishlab chiqarishga ixtisoslashgan yillik quvvati 550 ming metr kub bo‘lgan 4ta korxona faoliyati yo‘lga qo‘yilgan. 

Joriy yilda «O‘zsanoatqurilishmateriallari» uyushmasi viloyat hokimliklari bilan hamkorligida ushbu yo‘nalish bo‘yicha 7ta investitsiya loyihasi amalga oshiriladi. Avtoklav gazobeton ishlab chiqaruvchi eng yirik korxonalar Toshkent viloyatida ishga tushirilishi rejalashtirilgan. 

Navoiy, Qashqadaryo va Sirdaryo viloyatlarida ham mazkur yo‘nalishda 3ta loyihani amalga oshirish ishlari jadal sur'atlarda olib borilyapti. Ayni damda ushbu korxonalarga uskunalar va mutaxassislarni olib kelish ishlari amalga oshirilmoqda. Shu bilan birga, bino va inshootlarni qurish ishlari davom etmoqda.

Gazobeton – g‘ovak (teshik-teshik) betonning bir turi bo‘lib, zamonaviy qurilish materiali. Uni ba'zan «sun'iy tosh» deb ham atashadi. Oddiy betondan farqi – tarkibida 1-3 millimetrli pufaklar mavjud bo‘lib, ular tufayli beton yengil, yetarli darajada mustahkam, issiq va sovuqdan yaxshi himoyalash xususiyatlariga ega bo‘ladi. Shuningdek, tabiiy gazni 8 marta kam sarflashi, energiya tejamkorligi va eng asosiysi, unumdor tuproqning ishlatilmasligi bilan pishiq g‘ishtdan bir necha marotaba afzalligi bilan ajralib turadi.1 metr kub metr g‘isht 1800-2000 kg og‘irlikka ega bo‘lsa, shu hajmdagi gazobetonning og‘irligi atigi 500-700 kg.ni tashkil etadi.

Ko‘proq yangiliklar: