Нидерландия Мудофаа вазирлиги маълумотига кўра, 150 нафаргача аскар шимолий Ироқдаги Арбил халқаро аэропортини ҳимоя қилишга жалб этилади. ИШИД террористик ташкилотига қарши халқаро коалиция кучлари таркибига киритиладиган аскарларнинг биринчи қисми 2021 йил январ ойида жўнаб кетиши маълум қилинган.

Шунингдек, баёнотда Малидаги БМТнинг MINUSMA тинчликпарвар кучларини қўллаб-қувватлаш учун 130 нафаргача аскар янги С-130 транспорт самолётлари ёрдамида юборилиши қайд этилган. Нидерландия Малига 2021 йил ноябрдан бошлаб 6 ой давомида ҳарбий ёрдам кўрсатади.