Tashqi mehnat migratsiyasi agentligi xabariga ko‘ra, dastlab tashrif doirasida “Migratsiya markazi” davlat budjet tashkiloti bosh direktori Sergey Baldin va boshqalar Toshkent shahridagi “Ishga marhamat” monomarkazi faoliyati bilan tanishdi.

Shu kuni Rossiya tomoni vakillari Tashqi mehnat migratsiyasi agentligi rahbariyati bilan uchrashib, “Migratsiya markazi” davlat budjet tashkilotining O‘zbekistondagi vakolatxonasini ochish bo‘yicha muzokaralar o‘tkazdi.

Markaz vakolatxonasi quyidagi faoliyat bilan shug‘ullanadi:

Rossiyada mehnat faoliyatini amalga oshirmoqchi bo‘lgan fuqarolarni ushbu davlatga kirib borishida taqiq bor-yo‘qligini tekshiradi;

patent olish uchun hujjatlarni rasmiylashtirishda to‘liq ko‘maklashadi;

Tashqi mehnat migratsiyasi agentligi va ish beruvchilar o‘rtasida hamkorlikni o‘rnatishda operator vazifasini bajaradi.