Livandagi Baabda shahrida joylashgan qamoqxonadan mahbuslar ommaviy ravishda qochib ketishdi. Bu haqda LBC telekanali xabar bermoqda.
Qayd etilishicha, qariyb 70 nafar mahbus kameralari eshiklarini sindirib tashqariga chiqishgan, soqchilarning qo‘l-oyoqlarini bog‘lashgan va shaharga qochib ketishgan.
Xavfsizlik kuchlari Baabda atrofini o‘rab olgan va qochoqlarni ta'qib qilmoqda.
Xabar qilinishicha, hozircha to‘qqiz kishini ushlashga muvaffaq bo‘lingan.