Байден давлат котиби лавозимига кимни тайинлаши аниқ бўлди – ОАВ

Жаҳон 17:31 / 21.11.2020 14690

АҚШнинг сайланган президенти Жо Байден давлат котиблигига номзодни аниқлаб олди. Бу ҳақда ўз манбасига таяниб The Hill нашри хабар берди.

 Қайд этилишича, давлат котиблигига номзод номи келгуси ҳафтада эълон қилинади.

“Байден кимнинг номзодини илгари суриши номаълум, аммо Барак Обама маъмуриятида ишлаган собиқ расмийнинг айтишича, дипломат-ветеран ва Байденнинг эски иттифоқчиси Тони Блинкен ушбу лавозимга муносиб деб ҳисобланмоқда”, – дейилади нашр томонидан.

Шунингдек, Крис Кус ва Крис Мерфи, Барак Обаманинг миллий хавфсизлик бўйича собиқ маслаҳатчиси Сьюзан Райс ҳам давлат котиблигига эҳтимолий номзодлар сифатида кўрилмоқда.

Кўпроқ янгиликлар