Robototexnika akademiyasi tomonidan ishlab chiqilgan Kar-go elektromobili Britaniyada yetkazmalarni amalga oshiradigan birinchi o‘zi boshqariluvchi transport bo‘ladi.
Akademiya robotlashtirilgan avtomobil ustida 4 yil ish olib borgan. Kar-go 96 km/soat bilan harakatlana oladi va qayta quvvatlanishsiz 3 soat davomida 48 ta jo‘natmani o‘z manziliga yetkazishi mumkin.
This is not a scene from a sci-fi film. This is real, it's Kar-go the autonomous delivery vehicle in Mayfair outside @MaddoxClub in London#autonomousvehicles #mykargo #futurecars#mayfair #maddoxclub #kargo #academyofrobotics #robotics #logistics #futuremobility #futurology pic.twitter.com/7SGXju5myr
— Academy Of Robotics (@WeMakeAI) November 24, 2019
Antiqa avtomobil sun'iy ongga ega haydovchisiz boshqarish texnologiyasi bilan jihozlangan. Sun'iy ong manzilgacha eng qisqa yo‘lni hisoblab chiqadi hamda jo‘natmalarni saralaydi. Elektromobillar kelgusida o‘zi mustaqil harakatlansa-da, sinovlar vaqtida xavfsizlik chorasi sifatida uning ichida operatorlar bo‘ladi.
Kompaniya yetkazmalarning kontaksiz shaklini sinash maqsadida dorixonalardan olingan dori-darmonni qariyalar uylariga yetkazishga qaror qilgan. Transport vositasi jo‘natmani belgilangan manzilga yetkazgach, smartfondagi dastur bu haqda jo‘natma oluvchisini xabardor qiladi.
Robototexnika akademiyasi yangi elektromobilning boshqa hududlarda yana bir nechta sinovini o‘tkazishni rejalashtirgan.
