Isroil va BAA investitsiyalarni himoyalash haqidagi kelishuvni imzoladi

Isroil va BAA iqtisodiyotdagi o‘zaro investitsiyalarni himoyalashni ko‘zda tutuvchi kelishuvni imzoladi. Isroil uchun bu kelishuv arab davlatlari bilan tuzgan shu turdagi birinchi kelishuvi hisoblanadi.

Foto: Reuters

Isroil bugungi kunda bunday kelishuvlardan 36tasini imzolagan. Bu kelishuvlar xorijiy investorlarning mablag‘larini o‘zboshimcha qarorlardan, mamlakatdagi siyosiy vaziyatning o‘zgarishidan himoyalaydi va investorlarga zarurat holatida mamlakatdan o‘z mablag‘larini hech qanday to‘siqlarsiz olib chiqish huquqini kafolatlaydi.

Isroilning bunday kelishuvlar bo‘yicha aksariyat hamkorlari Yevropa davlatlari hisoblanadi. Isroil shu turdagi oxirgi kelishuvni Yaponiya bilan 2017 yilda imzolagandi. BAAda esa, o‘z navbatida, investitsiyalarni himoyalash bo‘yicha 99 ta kelishuv bor.

Bundan tashqari, ushbu hujjat Isroil va BAA avgustda munosabatlarni yaxshilashga kelishib olganidan keyin ikki davlat o‘rtasida tuzilgan birinchi kelishuvdir.

#BAA #Isroil #investitsiya