Ангела Меркель коронавирусни жиловлаш учун фуқароларни ўзаро алоқалар ва саёҳатларни камайтиришга ундади

Жаҳон 16:50 / 17.10.2020 1515

«Биз вирус назоратдан чиқиб кетишининг олдини олиш учун ҳамма нарсани қилишимиз керак. Ҳар куни муҳим аҳамият касб этади», деди Меркель ўз видеомурожаатида.

Германияда вирус юқтириш даражаси Европанинг аксарият давлатларига қараганда пастроқ бўлса-да, Роберт Кох институти берган маълумотга кўра вируснинг тарқалиши тезлашган.

Маълумотларга кўра, қурбонлар сони 33тага кўпайиб, 9767 кишига етган.

Германия раҳбарлари бу ҳафта коронавируснинг иккинчи тўлқинини ушлаб туриш учун янги чоралар бўйича келишувга эриша олмадилар. Айни пайтда, бир нечта минтақалардаги судлар касалликлар ўчоқларидан ташриф буюрувчилар учун меҳмонхонада туриш тақиқларини бекор қилди.

Сиёсатчилар ва соғлиқни сақлаш соҳаси мутахассислари аҳолини ортиқча ихтиёрий чоралар кўришга, шу жумладан ниқоб тақишга, бошқалар билан яқин алоқада бўлмасликка ва қўлларни тез-тез ювишга чақирди.

- Биз янада кўпроқ ҳаракат қилишимиз керак, - деган Меркель. - Уйда ёки ташқарида одамлар билан камроқ учрашинг. Илтимос, муҳим бўлмаган ҳар қандай саёҳат ва маросим-тадбирларни кейинроққа қолдиринг. 

Кўпроқ янгиликлар