Turkiya Rossiyadan sotib olgan S-400 zenit-raketa tizimlari sinovini muvaffaqiyatli yakunladi. Bu haqda harbiy-texnika sohasidagi manbaga tayanib RIA Novosti xabar qildi.
Rossiya harbiy-texnik hamkorlik bo‘yicha federal xizmati mazkur xabar bo‘yicha hech qanday izoh bermadi.
"Turkiya Sinop hududida S-400 majmualarini muvaffaqiyatli sinovdan o‘tkazdi. Havoga uchirilgan uchta raketa uchta nishonga borib tegdi", - dedi agentlik suhbatdoshi.
Turkiyaga S-400 tizimlarini yetkazib berish 2019 yil iyul oyida boshlangandi.
Vashington Rossiya texnikasidan voz kechishni va uning o‘rniga AQShning Patriot majmualarini sotib olishni talab qilgandi. Anqara bu talabga rozi bo‘lmadi.
