Қозоғистон ва Россия ҳарбий ҳамкорлик тўғрисидаги шартномани янгилади

Жаҳон 20:22 / 16.10.2020 3009

 Қозоғистон ва Россия мудофаа вазирлари ҳарбий ҳамкорлик тўғрисидаги янгиланган шартномани имзоладилар, деб хабар берди Онадўлу агентлиги Қозоғистон мудофаа вазирлигига таяниб.

 Ҳужжат Нур-Султон шаҳрида Қозоғистон мудофаа вазири Нурлан Ермекбаев ва Россия мудофаа вазири Сергей Шойгу ўртасидаги учрашув якунида имзоланган.

 Янгиланган шартнома моддаларига мувофиқ, ҳарбий ҳамкорлик кенг миқёсда амалга оширилади ҳамда ҳарбий таълим ва кадрлар тайёрлаш, қурол-яроғ ва техника етказиб бериш, ҳамкорликдаги икки ва кўп томонлама машғулотлар, қўшинларнинг жанговар тайёргарлиги тадбирларида иштирок этиш кабиларни ўз ичига олади.

 Шартнома шунингдек, тинчликпарварлик фаолияти, халқаро ташкилотлар доирасида ўзаро ҳамкорлик, минтақавий хавфсизликка таҳдидларга қарши курашиш, маданият ва спорт каби янги йўналишлар билан тўлдирилган.

Ушбу шартнома кучга кирганидан сўнг Қозоғистон ва Россия ўртасида 1994 йил 28 мартда тузилган ҳарбий ҳамкорлик тўғрисидаги шартнома ўз кучини йўқотади.

Кўпроқ янгиликлар