АҚШда 15 октябрда 62 мингдан кўпроқ янги касалланиш ҳолати қайд этилди. Таъкидланишича, бу 31 июлдан бери рекорд кўрсаткич ҳисобланади.
Айни вақтда АҚШ коронавирусдан касалланганлар ва ундан ўлим сони бўйича етакчи ҳисобланади. Охирги маълумотларга кўра, АҚШда 7,9 млндан кўпроқ касалланиш, 217 мингдан кўпроқ ўлим ҳолати қайд этилган.
Аввалроқ АҚШ президенти Дональд Трамп Fox Business телеканали эфирида мамлакатда коронавируснинг такрорий авж олиши ҳолатида қатъий чекловлар қўлламаслигини айтган. “Биз иқтисодиётни ёпмаймиз. Бизда ҳаммаси жойида”, деб айтган Трамп ва АҚШда коронавирусга қарши вакцина йил охиригача пайдо бўлишини таъкидлаб ўтган.
