АҚШ С-400 синовлари сабабли Туркияга «жиддий оқибатлар» билан таҳдид қилди

Жаҳон 22:48 / 16.10.2020 14783

АҚШ Туркия Россиянинг С-400 зенит-ракета тизимлари билан қуролланмаслигига умид қилади, акс ҳолда уни хавфсизлик соҳасида жиддий оқибатлар кутади. Бу ҳақда АҚШ давлат департаменти матбуот хизмати раҳбари Морган Ортэгус маълум қилди.

 «Қўшма Штатлар С-400 қуролланишга киритилмаслигига умид қилаётганлигини билдиради. Шунингдек, биз агар Туркия тизим билан қуролланадиган бўлса, хавфсизлик соҳасидаги муносабатларимиз учун эҳтимолий жиддий оқибатлар борасида ҳам аниқ-равшан фикрдамиз», - деди у.

 Унинг сўзларига кўра, агарда Туркиянинг С-400 тизимини синовдан ўтказгани тасдиқланса, АҚШ буни «энг кескин тарзда» қоралашини билдирди. Чунки Россия зенит-ракета тизимлари синови Туркиянинг НАТО ҳамда АҚШнинг стратегик ҳамкори доирасидаги «мажбуриятларига мос келмайди».

«Биз синовлардан хабардормиз. Қўшма Штатлар Туркия ҳукуматига Россиянинг С-400 каби ҳарбий тизимларини олиш номақбул эканлигини энг юқори даражада маълум қилдик», - деди Ортэгус.

 Жума куни Туркия Синоп шаҳри ҳудудида С-400 тизимларини синовдан ўтказгани хабар қилинди.

 Туркияга С-400 тизимларини етказиб бериш 2019 йил июль ойида бошланганди.

 Вашингтон Россия техникасидан воз кечишни ва унинг ўрнига АҚШнинг Patriot мажмуаларини сотиб олишни талаб қилганди. Анқара бу талабга рози бўлмади.

Кўпроқ янгиликлар