Кореяда илк марта Ўзбекистонликлар уюшмаси очилди

Ўзбекистон 23:07 / 15.10.2020 5439

Онлайн мулоқот давомида уюшманинг асосий вазифалари ва фаолияти давомида ечилиши лозим бўлган долзарб муаммолар, хусусан Кореядаги ватандошлар учун ўз вақтида ижтимоий ва молиявий кўмак бериш масалалари муҳокама қилинди.

Уюшмани ташкил этишдан асосий мақсад – Корея Республикаси ҳудудидаги ўзбекистонликлар: муҳожир ишчилар, талаба ва ўқувчилар, тадбиркорлар, доимий яшайдиганлар ҳамда бошқа мақсадларда бўлиб турган ватандошларнинг манфаатларини ҳимоя қилиш, уларга фавқулодда ҳолатларда тезкор ёрдам кўрсатиш, тиббий ва юридик хизматлар тақдим этишдир.

Уюшманинг очилиш маросими 31 октябрь куни Кванжу шаҳрида бўлиб ўтади.

Эслатиб ўтамиз, ўтган ҳафта Ўзбекистоннинг Сеулдаги элчихонаси «Олтин дафтар»ига киритилган ватандошлар сони юздан ошгани хабар қилинганди.

Кўпроқ янгиликлар