Жээнбековнинг қароргоҳи яқинига ИИВ бўлинмалари ва қуролли кучлар отрядлари жойлаштирилди

Жаҳон 15:35 / 15.10.2020 22972

Қирғизистоннинг собиқ президенти Сооронбай Жээнбеков истиқомат қиладиган Бишкек жанубидаги "Ала-Арча" давлат қароргоҳи яқинига мамлакат ИИВ ва қуролли кучлари отрядлари жойлаштирилди. Бу ҳақда гувоҳларнинг сўзларига таяниб ТАСС хабар берди.

Маълумот берилишича, қароргоҳнинг шимолий тарафига милиция ходимлари ва ҳарбийлар жойлашган бир нечта автобус ва ҳарбий юк автомобиллари етиб келган.

"Улар ҳозирча автобус ва машиналарни тарк этгани йўқ", - деган гувоҳлардан бири.

Хабар қилинишича, Бишкекда бўлиб ўтаётган митинг иштирокчилари парламентнинг тарқатиб юборилишини талаб қилишмоқда.

Митинг қатнашчилари мамлакатни бош вазир Садир Жапаров бошқариши керак деб ҳисоблашмоқда. 

Жээнбековнинг истеъфосидан кейин президентлик ваколатлари конституцияга мувофиқ парламент спикери Канат Исаевга ўтган.

Кўпроқ янгиликлар