Qoʻshimcha funksionallar
-
Tungi ko‘rinish
Shuhrat G‘aniyev Senat a'zoligidan chiqarildi
Shuhrat G‘aniyev Oliy Majlis Senati a'zolari ro‘yxatidan chiqarildi. Bu haqda Markaziy saylov komissiyasining tegishli qarori qabul qilindi.
MSK qarorida aytilishicha, Oliy Majlis Senati a'zosi Shuhrat G‘aniyev O‘zbekiston prezidentining 2020 yil 24 sentyabrdagi PF-6069-son farmoniga asosan O‘zbekiston bosh vazirining agrar va oziq-ovqat sohalarini rivojlantirish masalalari bo‘yicha o‘rinbosari lavozimiga tasdiqlanganligi munosabati bilan u Oliy Majlis Senati a'zolari ro‘yxatidan chiqarilgan deb hisoblanadi.
Qaror Oliy Majlis Senatiga hamda xalq deputatlari Farg‘ona viloyati Kengashiga yuborilgani aytiladi.
Shuhrat G‘aniyev 2011-2012 yillarda Farg‘ona viloyati hokimi vazifasini bajaruvchi bo‘lgan, 2012 yildan buyon Farg‘ona viloyati hokimi sifatida ishlagan.
U 2020 yil fevralidan buyon bosh vazir o‘rinbosari lavozimida ishlab, sentabr oyida koronavirus oqibatida vafot etgan O‘ktam Barnoyev o‘rnini egalladi.
25 sentabr kuni Qonunchilik palatasi deputatlari bosh vazirning agrar va oziq-ovqat sohalarini rivojlantirish masalalari bo‘yicha o‘rinbosari lavozimiga Shuhrat G‘aniyev nomzodini ma'qulladi, 29 sentabr kuni prezident Shuhrat G‘aniyevni bosh vazir o‘rinbosari lavozimiga tasdiqladi.
Mavzuga oid
16:42 / 17.03.2025
Shaxsning o‘z aybini tan olgani yagona dalil bo‘lsa, u jazoga tortilmaydi
13:14 / 17.03.2025
Sog‘liqni saqlash, bandlik, bank sohalarida korrupsiyaviy holatlar yuqori – Senat
11:11 / 15.03.2025
2024 yilda «prava»si yo‘q haydovchilar 400 dan ortiq YTH sodir qildi – Senat javobgarlikni kuchaytirmoqchi
10:21 / 15.03.2025