Жасур Жалолиддинов «Локомотив»дан «Тамбов»га ўтди

Спорт 22:48 / 13.10.2020 6644

Бу ҳақда «Тамбов» клуби спорт директори Павел Худяков «Чемпионат.com» нашрига маълум қилган.

«Жалолиддиновни сотиб олиш шартисиз мавсум якунига қадар ижарага олаяпмиз. «Локомотив» билан келишувга эришиб бўлдик. Унга кўра, ўзбекистонлик футболчининг маошини «Локомотив» клуби тўлашда давом этади», - дейди «Тамбов» клуби вакили.

«Тамбов» клуби Россия Премьер-лигаси 10-туридан кейин турнир жадвалида 8 очко билан 13-ўринда бормоқда. 

Маълумот учун, Жасур Жалолиддинов ёзда «Бунёдкор»дан «Локомотив» клубига ўтганди. Москва клуби 18 ёшли ўзбекистонлик яримҳимоячи учун жами 1 миллион евро трансфер харажат қилгани ҳақида хабар қилинганди. Жалолиддиновнинг «темирйўлчилар» билан амалдаги шартномаси 2025 йилга қадар имзоланган.

Кўпроқ янгиликлар