Фарғонада йўл ҳаракати қоидабузарликларини аниқловчи янги қурилмалар ишга туширилди

Ўзбекистон 08:53 / 28.09.2020 6855

Фарғона вилояти ИИБ томонидан йўл ҳаракати хавфсизлиги соҳасига замонавий техникалар жорий этиш давом этмоқда. Мақсад йўл-транспорт ҳодисаларини олдини олиш, қоидабузарликларни аниқлашда инсон омилини камайтиришдир

Вилоят ИИБ ахборот хизмати хабарига кўра, ана шундай қурилмалардан яна бири Қува туманида ишга туширилди.

Ушбу қурилмалар йўл ҳаракати қоидаларининг 91-бандида назарда тутилган қоидабузарликлар яъни “Тўхташ ва тўхтаб туриш” қоидаларига амал қилмаган транспорт воситаларини онлайн тарзда аниқлайди. Туманда ўрнатилган фотовидео қайд этиш қурилмаси орқали бир кунда 115та ана шундай қоидабузарликлар қайд этилди.

Яқин кунларда ушбу замонавий техникалар вилоятнинг Риштон, Тошлоқ, Сўх, Ўзбекистон ва Бувайда туманларида ҳам ишга туширилади.

“Ҳурматли ҳайдовчилар! Оилавий бюджетингизга зарар келтиришни истамасангиз, йўл ҳаракати қоидаларига амал қилинг”, - дейилади маълумотда.

Кўпроқ янгиликлар