Osiyo Chempionlar Ligasining 4-turida «Paxtakor» «Al Hilol» bilan bahs yuritdi. Bellashuvda hisob ochilmadi. 

Ma'lumot uchun, bu o‘yin «sherlar» uchun turnirdagi 100-bahs bo‘ldi.

4-turdan so‘ng «Al Hilol» 10 ochko bilan guruhda 1-o‘rinni, «Paxtakor» esa 7 ochko bilan 2-pog‘onani egallab turibdi. BAAning «Shabob Al Ahli» klubi hisobida 6 ochko mavjud bo‘lsa, so‘nggi o‘rindagi Eronning «Shahri Hudru» jamoasida ochko yo‘q.

OChL, V guruhi, 4-tur

Paxtakor – Al Hilol 0:0
17 sentabr, Doha, «Al Janub» stadioni.
Hakamlar: Navaf Shukrulla, Muhammad Jafar, Abdulla Solih (uchalasi Bahrayn), Krishanta Dilan Perera (Shri-Lanka).

Paxtakor – 35.Sanjar Quvvatov, 3.Hojiakbar Alijonov, 5.Anzur Ismoilov, 9.Jaloliddin Masharipov, 15.Yegor Krimets, 17.Doston Hamdamov (99.Javohir Sidiqov, 67), 20.Odil Hamrobekov, 21.Abror Ismoilov, 27.Sardor Sobirxo‘jayev (7.Sadriddin Abdullayev, 90+1), 34.Farruh Sayfiyev (4.Akrom Komilov, 76), 77.Eren Derdiyo‘q (11.Igor Sergeyev, 67).

Al Hilol – 1.Abdulloh Al Muayuf, 5.Ali Xodi Al Bulayhi, 9.Sebastyan Jovinko, 16.Nosir Al Dovsari, 18.Bafetimbi Gomis, 19.Andre Karrilo, 20.Jan Hyun Su, 22.Amir Kurdi, 28.Muhammad Kanno, 29.Salim Al Dovsari (27.Hattan Babhir, 89), 70.Muhammad Jahfali.

Ogohlantirishlar: Anzur Ismoilov 45, Muhammad Kanno (66).