Qarzdor xususiy korxonasidan undiruvchi korxona foydasiga 353 727,65 AQSh dollari, 16 000 AQSh dollari penya va 17 840 so‘m pochta xarajati undirish belgilangan.

Majburiy ijro byurosi Chilonzor tuman bo‘limi ish yurituvida Toshkent shahar Iqtisodiy sudining 06.07.2020 yildagi 4-10-2002/103-sonli ijro varaqasiga asosan, qarzdor xususiy korxonasidan undiruvchi korxona foydasiga 353 727,65 AQSh dollari, 16 000 AQSh dollari penya va 17 840 so‘m pochta xarajati undirish to‘g‘risidagi ijro hujjati bo‘lim ish yurituviga joriy yilning 20 iyul kuni kelib tushgan va shu kuni O‘zbekiston Respublikasi “Sud hujjatlari va boshqa organ hujjatlarini ijro etish to‘g‘risida”gi Qonunning 23-moddasiga asosan ijro hujjatidagi talablarni bajarish uchun qarzdorga 10 kunlik ixtiyoriy muddat berilgan. 

Shuningdek, qarzdor korxona tomonidan sud qarori ijrosi belgilangan ixtiyoriy muddatda bajarilmaganligi sababli, qarzdorning bankdagi hisob raqamiga inkasso topshiriqnomasi yuborilgan. 
MIB tuman bo‘limining majburiy ijro harakatlari davomida qarzdor korxona hisob raqamidan undiruvchi tadbirkor foydasiga 353 727,65 AQSh dollari shuningdek, 16 000 AQSh dollari penya ham undirilib, undiruvchi tadbirkorning hisob raqamiga o‘tkazib berilgan.