Фарғонада ғишт заводида келиб чиққан жанжал оқибатида бир киши тиббиёт муассасасига ётқизилди

Жамият 12:35 / 16.09.2020 3431

2020 йилнинг 8 сентябрь куни соат 08:30да юк автомашина ҳайдовчиси, 26 ёшли Р.И. Фарғона вилояти Учкўприк тумани Тўқсонқовун қишлоғида жойлашган МЧЖга қарашли ғишт заводи ҳудудида таниши, 26 ёшли М.Т. билан ғишт ортиш навбати бўйича ўзаро жанжаллашган.

Ўзбекистон Республикаси ИИВ ҳузуридаги Тергов департаменти хабарига кўра, жанжал оқибатида Р.И. қўлида бўлган ғишт билан М.Т.нинг бош қисмига бир маротаба уриб, тан жароҳати етказган.

Натижада, М.Т. бош соҳаси тан жароҳатлари билан тиббиёт муассасасига ётқизилган.

Мазкур ҳолат юзасидан Учкўприк туман ИИБ ҳузуридаги Тергов бўлими томонидан Ўзбекистон Республикаси Жиноят кодексининг 104-моддаси 1-қисми (баданга қасддан оғир шикаст етказиш) билан жиноят иши қўзғатилган. Р.И. гумон қилинувчи тариқасида жалб қилинган. 

Тергов ҳаракатлари давом этмоқда.

Кўпроқ янгиликлар