Uy sharoitida kislorod konsentratori va pulsoksimetrdan foydalanish bo‘yicha tavsiyalar berildi

Jamiyat 14:18 / 11.09.2020 6969

Pulsoksimetrdan kanday foydalanish kerak?

  • Moslama yokilgandan so‘ng, o‘z-o‘zini sinab ko‘rish jarayoni tugashi bilan bir necha soniya kutish kerak;
  • Moslamani barmoqqa ortiqcha bosimsiz o‘rnatish kerak;
  • Moslama lak bilan bo‘yalgan tirnoqqa qo‘llanmaydi;
  • Moslamaning batareyasini o‘z vaqtida zaryadlash yoki batareyalarni o‘zgartirish lozim;
  • Moslamadan bir kunda 2-3 mahal, zarurat bo‘lsa undan ko‘proq foydalaniladi.

Uy sharoitida kislorod konsentratorini qo‘llash qoidalari:

  • Kislorod konsentratorini havo erkin aylanishi va xonaning maqbul namligi bor joyga o‘rnatish kerak. Moslama issiqlik manbalari yaqiniga qo‘yilmaydi;
  • Distillangan suv bilan kislorodni namlash uchun mo‘ljallangan maxsus idish to‘ldiriladi;
  • Shifokor tavsiyasiga binoan kislorod terapiyasining davomiyligi va havo oqimi rejimi kuzatiladi;
  • Oila a'zolarini o‘zaro zararlamaslik uchun shaxsiy burun kanyulyalaridan foydalaniladi.

Kislorod konsentratorini ishlatish ketma-ketligi:

  • Rezervuar belgilangan joyigacha namlagich suv bilan to‘ldiriladi;
  • Moslama yoqiladi. Kanyulyaning bir uchi moslamaga ulanadi, ikkinchi uchi esa burun yo‘llariga qo‘yiladi;
  • Kislorod oqimi o‘rnatilgandan keyin, shifokor tavsiyasiga ko‘ra kislorod terapiyasi boshlanadi;
  • Kislorod terapiyasini burun kanyulyasi orqali olayotganda ko‘krak qafasi va qorin bilan nafas olinadi. O‘pkaning maksimal darajada qisilishi va tozalanishi uchun ravon nafas olinadi;
  • Mashg‘ulot oxirida havo ta'minoti to‘xtatiladi va moslama elektr tarmog‘idan o‘chiriladi.
Ko‘proq yangiliklar: