Биржада бир ҳафтада қанча шакар ва бензин сотилгани айтилди

Ўзбекистон 17:07 / 10.08.2020 2445

Бунда сотувларнинг 87,4 фоизи - биржа савдолари, 4,6 фоизи - кўргазма-ярмарка савдолари, 7,4 фоизи - электрон давлат харидлари ва 0,5 фоизи - авторақамларнинг онлайн-аукционига тўғри келди.

Кичик бизнес ва хусусий тадбиркорлик субъектлари иштирокида тузилган битимларнинг умумий ҳажми 386,5 млрд сўмни ташкил қилди, бу эса аввалги ҳафтага нисбатан 11,7 фоизга кўп. Давлат харидлари тизимларида ўтказилган электрон савдолар натижасида бюджет ва корпоратив буюртмачиларининг 14,9 млрд сўмлик маблағлари тежалди.

Кўриб чиқилаётган давр мобайнида онлайн аукцион орқали 804 та авторақамлар сотилди, сотилган давлат рақам белгиларининг умумий суммаси 5,1 млрд сўмни ташкил қилди. Савдолар натижасида битимларнинг 2,9 фоиз биринчи тоифадаги авторақамларга, 18,6 фоиз иккинчи, 30,2 фоиз учинчи, 10,4 фоиз тўртинчи, 13,4 фоиз бешинчи ва 24,4 фоиз олтинчи тоифа авторақамларга тегишли.

Кўриб чиқилаётган даврда очиқ биржа савдолари орқали жами 891,2 млрд сўмлик товар ресурслари сотилди, бу эса аввалги ҳафтага нисбатан 26,0 фоизга кўп. Сотувчи корхоналар маҳсулотларни тасдиқланган жадвалларга риоя қилган ҳолда биржа савдоларига қўйди.

Ўтган ҳафтада биржа савдоларига 1 353,0 тонна пахта ёғи қўйилди ва улардан 1 164,0 тоннаси, яъни 86,0 фоизи сотилди. Ўтказилган савдоларда ҳар куни ўртача 90 та харидор иштирок этди.

Ўтган ҳафтада пахта ёғининг бошланғич нархи ўртача 10,5 фоизга кўтарилди, шу сабабли барча навли пахта ёғининг кунлик ўртача нархлари маҳсулотнинг бир тоннаси учун 11,3 млн сўмдан 12,8 млн сўмгача, яъни 12,7 фоизга ўсди. Ҳафта якунларига кўра, 1-навли пахта ёғининг ҳафталик котировкаси 0,5 фоизга ўсиб, маҳсулотни бир тоннаси учун 10,7 млн сўмни ташкил этди.

Ҳафта давомида биржа савдоларига 2 756,0 тонна шакар қўйилди ва улардан 838,0 тоннаси, яъни 30,4 фоизи сотилди.

Кўриб чиқилаётган даврда шакарнинг барча категорияси бўйича шаклланган кунлик ўртача нархлар маҳсулотнинг бир тоннаси учун 5,82 млн сўмдан 5,85 млн сўмгача, яъни 0,4 фоизга кўтарилди. Ўтказилган биржа савдолари натижасида шакарнинг 3-категорияси бўйича шаклланган ўртача ҳафталик нархи аввалги ҳафтага нисбатан деярли ўзгармади ва маҳсулотни бир тоннаси учун 5,84 млн сўмни ташкил этди.

Ўтган ҳафтада биржа савдоларига 51 498,0 тонна АИ-80 маркали автомобиль бензини қўйилди ва улардан 11 918,1 тоннаси, яъни 23,1 фоизи сотилди. Ўтказилган савдоларда ҳар куни ўртача 39 харидор иштирок этди.

Кўриб чиқилаётган даврда АИ-80 маркали автомобиль бензиннинг кунлик ўртача нархлари маҳсулотнинг бир тоннаси учун 4,85 млн сўмдан 4,89 млн сўмгача, яъни 0,9 фоизга кўтарилди.

Кўриб чиқилаётган даврда АИ-80 русумли автомобиль бензиннинг ўртача ҳафталик котировкаси бензиннинг бир тоннаси учун 4,90 млн сўмни, АИ-91 бензинининг ўртача ҳафталик котировкаси бензиннинг бир тоннаси учун 5,66 млн сўмни ташкил этди.

Кўпроқ янгиликлар