Oliy va o‘rta maxsus ta'lim vazirligi xabarga ko‘ra, o‘qishni ko‘chirish (tiklash) bo‘yicha belgilangan muddatlarda (2020 yil 15 iyul – 5 avgust) ro‘yxatdan o‘tgan, ammo arizasi dastlabki ko‘rib chiqish natijasiga ko‘ra ayrim sabablar tufayli rad etilgan fuqarolarga qayd etilgan kamchiliklarni bartaraf etgan holda arizalarini qayta tahrirlashga ruxsat etiladi.

Shu bilan birga, dastlabki ko‘rib chiqish natijalariga ko‘ra ariza qabul qilingani o‘qishni ko‘chirishga (tiklashga) ruxsat etilganini bildirmaydi.

Qabul qilingan arizalar vakolatli komissiyalar tomonidan ko‘rib chiqilib, qaror qabul qilinadi.

«Yuqoridagilarga ko‘ra, ro‘yxatdan o‘tgan fuqarolardan arizalari holatini tizim (o‘zlarining shaxsiy kabinetlari) orqali muntazam kuzatib borishlarini so‘raymiz», – deyiladi vazirlik xabarida.