Грузиянинг собиқ президенти Михаил Саакашвили ТВ Пирвели телеканалига берган интервьюсида Грузия халқаро радарлардан йўқолиб кетишини айтди.

“Мен Европадаги ҳар қандай катта мамлакатнинг бош вазирлигига номзод бўлишим мумкин. Украина матбуотини ўрганиб бунга ишонч ҳосил қилишингиз мумкин. Мен Украинада жуда муҳим вазифаларни олиб борувчиман. Аммо биз бу ҳақда эмас, балки Грузия мамлакат сифатида йўқолиб кетиши ҳақида гаплашишимиз керак. ("Грузинская мечта" партияси асосчиси) Иванишвили менинг номим жаҳон радарларидан ўчиб кетишини истаганди. Мен жаҳон радарларида турибман, Грузия эса йўқ”, деди у,

Михаил Саакашвили Грузияни 2013 йилда тарк этганди. Унга нисбатан бир нечта жиноят ишлари қўзғатилган.

2015 йилда Саакашвили Украинанинг Одесса области губернатори этиб тайинланган. 2017 йилда Пётр Порошенко уни Украина фуқаролигидан маҳрум қилганди.

 Украинанинг янги президенти Владимир Зеленский 2019 йилда унга Украина фуқаролигини қайтариб берди. Саакашвили мартда Украина ислоҳотлар миллий кенгаши ижроия қўмитаси раҳбари этиб тайинланган.