Россияда хорижлик талабалар патент олмасдан ишлаши мумкин бўлди

Жаҳон 15:10 / 05.08.2020 10509

Россияда чет эллик талабалар ўқиш давомида ишга кириши осонлашмоқда. Энди улардан махсус рухсатнома ёки патент талаб қилинмайди, деб хабар берди мамлакат таълим вазирлиги матбуот хизмати.

 Қайд этилишича, «РФдаги хориж фуқароларининг ҳуқуқий ҳолати тўғрисида»ги қонун кучга киргач, хорижлик талабаларнинг ишга жойлашиши учун ўқув юртидан уларнинг ҳақиқатан Россияда ўқиётганлиги тўғрисидаги маълумотнома бўлса етарли.

«Иш берувчи хорижлик ишчиларни жалб этиш ва улардан фойдаланиш учун рухсат олиши шарт эмас», — дейилади вазирлик хабарида.

 Хорижлик талабаларга ўқишдан бўш вақтларида ҳар қандай корхонада ишлашига рухсат берилади. Улар диплом олганларидан сўнг иш берувчи билан шартномани бекор қилишлари лозим.

 Илгари чет эллик талабалар фақат таътилда ва фақат ўз ўқув муассасалари базасида ишлаши мумкин эди.

Кўпроқ янгиликлар