Қашқадарё вилояти ҳокимига янги ўринбосарлар тайинланди

Ўзбекистон 14:11 / 05.08.2020 24514

Вилоят ҳокими Зойир Мирзаев онлайн тарзда аппарат йиғилиши ўтказди. Унда вилоят ҳокими қатор тайинловларни ўқиб эшиттирди.

Вилоят ҳокимлиги хабарига кўра, «Қишлоқ қурилиш банк» акциядорлик тижорат банки бошқаруви раисининг биринчи ўринбосари вазифасида ишлаб келаётган Акбар Эшонқулов Қашқадарё вилояти ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари лавозимига тайинланди.

2019 йилдан Қашқадарё вилояти ҳокимининг ўринбосари - вилоят инвестициялар ва ташқи савдо  бошқармаси бошлиғи котибияти мудири вазифасини бажарувчи вазифасида бўлган Шоҳжаҳон Омонов Ёшлар ишлари агентлиги Қашқадарё вилоят бошқармасига раҳбар этиб тайинланган.

Бўрибой Домотов Қашқадарё вилоят ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари котибияти етакчи мутахассиси, Улуғмурод Лутфуллаев Қашқадарё вилояти ҳокимининг ўринбосари - вилоят инвестициялар ва ташқи савдо бошқармаси бошлиғи котибияти 1-тоифали мутахассиси лавозимига тайинланган.

«Шунингдек, йиғилишда вилоят халқ таълими бошқармаси раҳбари Абдуғани Ҳимматовга тизимда куз-қиш мавсумига тайёргарлик ишларида йўл қўйган камчиликлари учун ҳайфсан берилди», дейилади маълумотда. 

Кўпроқ янгиликлар