Kanada hukumati mamlakatga xorijliklarning kirishiga qo‘yilgan taqiq muddatini 31 avgustgacha uzaytirdi. Bu haqda o‘z manbasiga tayanib CBC telekanali xabar berdi.
Ushbu taqiq birinchi bor 16 martda joriy etilgan va 1 iyulgacha amal qilgandi. So‘ngra esa muddat 31 iyulgacha uzaytirilgandi.
Qayd etilishicha, mazkur chora AQShdan Kanadaga va aksincha yo‘nalishda harakatlanayotgan yuk mashinalari haydovchilariga, shifokorlar va ayrim toifadagi fuqarolarga taalluqli emas.
Kanadada pandemiya boshlanganidan buyon 116 ming kishi koronavirus yuqtirgan, 9 mingga yaqin kishi vafot etgan.