Шавкат Мирзиёев Нукусдан Тошкентга қайтиб келди

Ўзбекистон 22:12 / 01.08.2020 9043

Эслатиб ўтамиз, Шавкат Мирзиёев Муса Ерниязов дафн этилган Нукус шаҳридаги «Шорша баба» қабристонида бўлиб, марҳумнинг қабрини зиёрат қилди, шу ерда унинг ақига Қуръон тиловат қилинди.

«Раҳматли Муса оға элни яхши кўрган, ҳалол, пок, ор-номусли инсон эди. У кишига жуда ишонардим, Қорақалпоғистондан кўнглим тўқ эди. Тили, дини, тақдири, ташвишлари бир бўлган ўзбек ва қорақалпоқ халқларининг оғзибирчилигини қадрларди», – деди Шавкат Мирзиёев.

Президент «Шорша баба» қабристони обод қилинишини таъкидлади.

Шундан сўнг Нукусда Қорақалпоғистоннинг йирик давлат арбоби вафоти муносабати билан таъзия маросими бўлиб ўтди.

– Қорақалпоқ заминида, Орол ҳалокати юз берган ўлкада яшаб меҳнат қилиш – бу ҳақиқий матонат. Муса Ерниязов ана шундай қаҳрамон халқнинг қаҳрамон раҳбари эди. У 18 йил давомида Қорақалпоғистон Республикаси Жўқорғи Кенгесининг Раиси деб аталмиш ўта масъулиятли ва шарафли вазифада самарали фаолият олиб боргани буни яққол тасдиқлайди, – деди маросимда президент Шавкат Мирзиёев.

Қорақалпоғистон Республикаси раҳбари Муса Ерниязов 31 август куни Нукус шаҳрида, 73 ёшида вафот этди. Унда 24 июнь куни коронавирус инфекцияси аниқланган. Соғлиқни сақлаш вазирлиги хабарига кўра, бемор қандли диабет, гипертония, артериал гипертензия каби ҳамроҳ касалликлар билан ҳам оғриган.

Кўпроқ янгиликлар